名人:生完冇水腫!Lynn一家四口全家福曝光

20180425
東網電視
更多新聞短片
恭喜恭喜!Lynn生完仍然省鏡。

37歲名模熊黛林(Lynn)被東網獨家爆人工受孕佗孖女,直至尋日被指已經在港島區一所新開的私家醫院秘密開刀誕下孖女,負責接生醫生則曾為Lynn的姑奶郭可盈及徐濠縈等接生,是圈中知名的星級醫生。今日Lynn終於報喜,她發出一家四口的全家福給傳媒,見Lynn同老公郭可頌一人抱住一個B,而Lynn就依偎住老公,非常溫馨。照片所見,剛生產完的Lynn一啲水腫都冇,外表仍然省鏡。另外,Lynn又發出兩張B女的腳板相,及一張做出心形手勢圈住BB腳仔的照片,真係隔住個MON都感受到嗰份喜悅。

新手媽媽Lynn又表示第一眼見到兩個囡囡時,又感動又開心:「BB女5磅左右,眼仔好大好靚女,老公開心到不得了。」

出名錫老婆的郭可頌,在Lynn入產房前非常緊張,見到老婆同囡囡平安時終於鬆一口氣。但由於初生BB太嬌小,令新手爸爸不敢亂抱兩位前世情人,最終要靠Lynn出手:「我叫老公坐定定擺住抱B姿勢,然後叫我媽咪抱囡囡放在老公懷抱,老公後來抱到不捨得放手。」

郭爸爸有Lynn這個大情人,又新添兩位小情人,自然幸福滿瀉,Lynn更說看到大隻老公抱住嬌小B女的畫面,反差很大非常搞笑。而剛剛生完BB的Lynn精神相當不錯,且安心的謂:「媽咪都有飛過來香港陪我待產,我已慢慢開始學習湊小朋友,並餵人奶;因為是對BB最好的嘛,最緊要她們健康。」至於BB現時仍未改名,Lynn和老公會細心為囡囡挑選最適合的名字。

而與Lynn同公司的Angelababy回覆Lynn生孖b說:「哈哈哈!我已經祝福過她啦。祝福!以後又是兩個長腿姐姐!」一班Lynn嘅好友紛紛送上祝福,甄子丹嘅太太汪詩詩就表示:「好開心見到Lynn一家四口的合照,好幸福呀!我同老公都祝BB健康快樂!」名模琦琦見好友一次過生一對千金亦表示開心,說:「祝小朋友快高長大!我諗住等Kim(熊黛林經理人)返嚟之後一齊去睇佢!」

​​​​阿Lynn都喺微博發文,佢留言:「終於等到你們了。」