出門遇貴人！唐曉彤睇騷撞正音樂老師

歌手唐曉彤（Kiko）和著名監製方樹樑及經理人齊齊欣賞音樂劇，同場捧場的藝人有胡渭康、林小湛，林曉峰及其太太等。 Kiko看騷後大讚《Smokey》劇精彩好看：「其實一個音樂劇好唔好睇，就只憑佢悶唔悶，有冇冷場…呢個音樂劇，由開場至完騷，全場觀眾從冇停過反應，拍手歡呼聲唔停，單係呢一點就證明呢個劇超級好睇。」Kiko大讚演出者如陳明恩、原子鏸，還有來自馬來西亞、貌似年青版詹瑞文的Charles演出者演、唱俱佳，她說：「全劇主題歌曲動聽，編曲者功力高深，最難得係有現場樂隊伴奏，很多劇團未必有咁嘅經濟條件做到，仲有極佳嘅舞蹈編排，每場舞都花盡心思。」

方樹樑跟有份演出音樂劇的歌唱導師啤老師（馮夏賢）是多年好友，亦大讚啤老師多才多藝，方樹樑立刻推薦Kiko跟啤老師進修唱歌，期盼Kiko在老師的指導下必定會大有所成。