與馬浚偉兄妹聚 鍾嘉欣同馬海倫姊妹淘
20180426
東網電視
更多新聞短片
鍾嘉欣與馬浚偉、馬海倫分別合作過多部電視劇。
早前宣布懷有第二胎嘅藝人鍾嘉欣，近日由溫哥華飛返嚟香港出席活動，並透露逗留兩個星期。雖然搵銀緊要，但見朋友亦好緊要，呢兩日鍾嘉欣趁住唔使工作，即刻約老友出嚟聚一聚！
先講尋日鍾嘉欣相約好友馬浚偉食飯見面，佢兩個當年因為拍劇集《皆大歡喜》時裝版而相識，見鍾嘉欣素顏上陣但依然充滿少女味，馬浚偉於微博留言：「兄妹相聚，是快樂的！」
直至今日又輪到資深藝人馬海倫喺微博上載同鍾嘉欣飯局照，唔少網友都話戴咗眼鏡嘅鍾嘉欣同馬海倫好似樣。鍾嘉欣雖然佗緊B，但望落少少肥肉都冇，認真令人羨慕，馬海倫留言：「今天中午同嘉欣午餐，《金石良緣》後就無再合作，她剛剛在香港大家可以敍舊。」
----------------------------
東網巨星開咗ig喇，大家快啲follow啦！