現實都鍾意大年紀！于淼當正姜大偉係老公

藝人于淼在劇集《逆緣》中與姜大偉飾演夫妻，她坦言第一次跟對方合作，合作前後的感覺反差度很大，她說﹕「因為佢係前輩，之前以為佢好cool，所以初時有啲驚，但相處落發覺佢好好人，度橋好勁，又識掌握節奏，仲會教我點樣做，後來我當咗佢係老公，所以唔會緊張。」在《不懂撒嬌的女人》中，于淼跟劉丹又是老夫少妻的組合，對此，于淼認為跟前輩合作反而能學到更多，但她預告在下月開拍的新劇《多功能老婆》中終於撇甩老夫少妻的局面，會與黃浩然合作，她亦十分期待﹕「我嘅角色同之前好唔同，以前都係做啲好易畀人蝦嘅角色，新劇入面就會做女強人，掌握好多人嘅命運，好有挑戰性。」至於現實中，是否喜歡成熟型男士？于淼直言﹕「都係，同佢哋好傾啲。（相差20年接唔接受到﹖）咁又唔好太大年紀，如果對方太老，咁就陪唔到我好耐，相差10年都可以。」