吳綺莉護女爆Seed 斥Andi借其他人個名搵錢

20180427
東網電視
更多新聞短片
吳綺莉覺得Andi灌輸錯誤價值觀畀卓林。

吳綺莉女兒卓林在加國走投無路下,與女友Andi拍片求助,首次公開認自己是成龍女兒,片段火速在網上瘋傳。東網致電吳綺莉,她表現激動,力斥Andi不是:「佢30幾歲,做過老師兼有社會經驗,去引導一個18歲、完全冇經驗嘅年輕人拍片,相信一個錯誤嘅價值觀。我覺得冇錢生活應該去搵工作,而唔係拍片話畀人知自己冇錢、自己爸爸係邊個!全球人類都係為工作而努力,唔係借人哋嘅名聲去搵錢,呢個唔係正確嘅價值觀,都唔合邏輯!」

談到卓林的情緒病,吳綺莉繼說:「佢情緒上係有問題,舊年就應該睇醫生,尋求專業人士醫治,不過佢走咗冇睇醫生。講真唔通窮就要去打劫銀行?呢個唔係正確道理。做人就要自己努力,唔應該怪責父母,嗰個30幾歲嘅,推佢去拍片,畀人睇到佢真面目囉!香港幾多人攞最低工資都返工,冇工作就出嚟拍片鬧父母,咁一日咪好多呢啲片?佢(卓林)入世未深,世上冇十全十美嘅父母,自強最緊要。(呢幾日有冇同卓林聯絡?)呢啲我唔想講喇。」

---------------------------
東網巨星開咗ig喇,大家快啲follow啦!
https://goo.gl/KGuo2N