夏雨拉大隊捧場 司棋米雪做得順暢
20180429
東網電視
更多新聞短片
演出好順利呀！
藝人夏雨、李司棋、米雪、關菊英及阮兆祥等主演的舞台劇《秘密》，於新光戲院大劇場演出首場。
李司棋說：「我哋冇乜點食螺絲或出現意外，我哋都覺得觀眾反應好好。」問到在台上緊不緊張？司棋姐謂：「可能因為群戲，大家分擔咗戲份又唔係好辛苦，冇乜緊張。」夏雨亦說：「冇乜緊張，但就好期待。」
夏雨表示首場反應不錯，應該會愈做愈好。問到他的子女可有到場支持，他說：「阿仔有嚟，阿女就過兩日嚟睇。」他又指今次與拍劇相比有很大的分別：「舞台劇同電視劇完全係兩回事，舞台劇可以直接聽到台下反應、掌聲，知道邊個位有效果，係電視冇可能有。」米雪則表示很喜歡該劇，覺得演得很順暢，又指綵排時已覺得司棋姐的角色很搞笑。
----------------------------
東網巨星開咗ig喇，大家快啲follow啦！