當眾試床！慳家女神陳婉衡搵猛男搬屋
20180501
東網電視
更多新聞短片
小編留意到嘅嘢，就係佢完全冇贅肉～
無綫小花陳婉衡（Alycia）年前隻身由加拿大返港發展，一直名多於利。收入一般的她以相宜租金租住位於香港仔的單位，一住4年「唔捨得搬」，不過近日業主跟足條例收樓，最遲本月初她便要遷出，「驚聞惡耗」後再被娛樂新聞台派差離港公幹超過1周，「冇時間、冇彈藥」之下Alycia大感徬徨無助，幸而最終得哥哥出手相助，成功租得月租萬多元、位於北角的新居。
貼地做師奶
Alycia近日被發現單拖現身銅鑼灣大型傢俬店，主攻「大件抵食」的家品，上至梳化下至茶几及布衣櫃統統不放過，期間身穿貼身背心的她不時拿軟尺度位，睇中其中一張約900元的梳化床時她意欲「試瞓」，卻不懂如何開啟，顯得雞手鴨腳，令不少途人駐足八卦，她卻一於少理﹗Alycia於傢俬店停留約個多小時後，再徒步往附近家品店買地拖，平日愛扮靚靚搶Fo的她放下女神形象，與身旁師奶「爭平嘢」，相當貼地。
慳家唔請搬屋公司
事後記者與Alycia取得聯絡，她無奈謂﹕「真係慳得就慳喇，因為今次搬屋唔係我預算之內，當初好擔心租唔到樓、搬唔切要瞓天橋底﹗啲傢俬最緊要平，用得就算，始終係租盤嘛，第時再搬我冇諗住拆走喇。坦白講，我今次連搬屋公司都冇請，諗住Call車、搵幾個猛男朋友幫吓手，最多請返佢哋食飯囉。」
----------------------------
東網巨星開咗ig喇，大家快啲follow啦！