【小齊變肥齊】任賢齊谷肥變200磅

藝人任賢齊出席慈善步行籌款活動，而小齊為新片角色增磅，身形脹爆不少，肚腩似有5個月身孕。小齊坦言已有九十多公斤，是有史以來最肥一次：「我依家影相要深呼吸縮肚收腹，每日食6餐去build up肌肉，因導演要求角色造型要圓碌碌好有肉地。」小齊大呻：「依家搞到啲衫同褲都唔啱着。（太太有冇嫌棄你？）佢最憎嘅嘢都有齊，就係肥啦、大肚腩啦、唔梳頭啦、同埋留尾指指甲！」小齊指因角色是一個「行蠱惑的麻甩佬」，他笑言：「我自己都唔鍾意肥，我又貪靚，未試過咁嘅身形，而角色去到尾我都需要減番磅，都要瘦番。（ 有冇醫生睇實你健康？）有，台灣同香港都有醫生，另外都有營養師訓練我，係好辛苦，因本身唔係易肥嘅人。」

小齊稱早前去山區探望，以前去到海拔五千公尺都沒事，但那次去三千多公尺就已經沒氣和流晒汗，現醫生都指他血糖和血脂偏高，這次就是為角色而犧牲和付出，但相比導演要他留尾指指甲，來挖鼻孔及挖耳窿就更難頂。