閃爆現身！朱玲玲Keep住運動唔畀自己懶

前港姐朱玲玲出席「2018慧妍雅集36週年慈善晚會」，一身閃耀行頭的她，表示全由老公贈送，問到可有捐物品拍賣？朱玲玲謂：「不嬲都冇捐。（咁平時點保養？）冇乜特別，我食嘢唔清淡，只要唔過分同過火就得，一年就行一、兩次山，最近竟打羽毛球。（同好朋友葉蒨文一齊打？）佢都冇打得咁密，但我就Keep住運動，等自己唔好咁懶，佢就打高爾夫為主。」談到新抱仔郭晶晶欲再生小孩，朱玲玲表示一切等他們夫婦二人作決定，認為現時晶晶已有仔有女，故不會給予壓力。