唔掂酒轉飲汽水！梁漢文自薦做代言人
20180506
東網電視
更多新聞短片
梁漢文出席慈善步行活動。
藝人任賢齊及梁漢文出席慈善步行活動，他表示內地的慈善工作，因明星足球隊緣故，於多年前已經開始做起，更憶述當年有華東水災等，亦跟過譚詠麟等人到不同地方做演唱會：「近期比較深刻就有次公司同事一齊去做慈善，但我去唔到就捐錢幫手，遲啲再安排到都想去。」梁漢文又表示二人對高山反應都冇問題，有次到海拔四千五百呎的地方拍節目，見到有幾個旅客不支暈倒，幸好自己有帶氧氣，能夠救到別人。
梁漢文透露忙於ViuTV節目《全民星戰》及與蘇永康的演唱會，稍後會到雲頂及內地幾個地方，年尾十一或十二月會再次回到佛山開騷：「本來諗住3個月後，但有個騷Big Four四條友重組，又喺同一個地方，就推遲到年尾。（社會服務令幾時開始？）做緊啦！文職工作。（工作上冇影響？）冇特別，尋日有同事生日，見到大家飲得高興我都高興，我就飲汽水，快啲搵我做代言人。」任賢齊表示梁漢文積極做正面的事情，希望大家多多支持他。
----------------------------
東網巨星開咗ig喇，大家快啲follow啦！