千里尋親！張致恒上荷蘭電視台搵外婆
20180507
東網電視
更多新聞短片
小時候嘅Steven大家認唔認得出？
影帝黃秋生上年就透過社交網尋親，用咗成年時間，終於畀佢與兩位同父異母的哥哥重逢！估唔到類似嘅情況都喺藝人張致恒（Steven）身上發生過，佢仲因為咁細細個就上過荷蘭嘅電視台添！
Steven喺社交網甫咗條片，留言話20幾年前佢外婆上咗一個叫《夢想成真》嘅電視節目，當時外婆話好耐冇見過阿女同啲孫，電視台方面就請Steven成家去荷蘭畀個驚喜外婆：「喺二十幾年前（唔記得咗年份），我第一次上電視台，係荷蘭嘅電視台，當時我荷蘭嘅Oma（外婆）佢參加咗一個電視節目，個名叫做夢想成真，當時抽中咗佢而佢嘅夢想就係佢好耐冇見過我阿媽即係佢個女，好想見吓佢，所以電視台就請咗我哋成家返荷蘭畀一個驚喜佢，估都估唔到呢條片竟然搵得番。」
睇番條片，Steven與媽咪及家姐張詠恩同細佬齊齊於節目尾段現身，同外婆嚟個深情擁抱，現場觀眾拍晒手掌，場面非常感人。Steven成程都好精靈，對住鏡頭都冇怯場表現得好自然，一睇就知係天生食娛樂圈呢行飯，見到外婆除咗摸佢住個頭同塊面之外，仲捉實Steven隻手仔，睇嚟外婆都應該好錫Steven。
而Steven長大後，都有同外婆，阿姨、表妹同繼外公聯絡，佢仲畀咗張相東網，見大家都笑得好開心，完全冇見外，而Steven都同佢哋有幾分似樣。
----------------------------
東網巨星開咗ig喇，大家快啲follow啦！