導演爆一擊即中　超人神奇女俠試鏡照曝光　

曾執導多部DC大作的薩克薛達（Zack Snyder）雖然已經離巢，不過仍然與一眾DC超英好Friend，近日先後公開「神奇女俠」Gal Gadot與「超人」亨利卡維爾（Henry Cavill）的試鏡照，祝賀二人生日，更表示二人試鏡時已被睇中主演超英角色！

薩克日前上載他首次見Gal時為她拍下的照片，並留言表示：「呢個係我第一日見到Gal，為佢影嘅第一張相，佢當時唔知道我已經決定咗，佢就係我嘅『神奇女俠』。」而他近日再追加亨利身穿超人服飾的照片，表示：「呢張係我向華納展示，我揀中嘅『超人』嘅相，佢哋都同意！」

此外，近日有傳華納電影公司想「超人」於DC將來的作品中客串，好似漫威（Marvel）的「神盾局局長」Nick Fury一角咁，將不同超英電影聯繫起來，亨利被問到有關問題時未作回應，反而表示想拍《超人：鋼鐵英雄》（Man of Steel）續集。