羅賓威廉斯被斷錯症　死前記唔到對白爆喊

荷里活喜劇巨星羅賓威廉斯（Robin Williams）2014年自殺身亡，享年63歲，當時有傳他因長期對抗帕金遜症及抑鬱而求死，不過後來屍檢顯示他實際上患有路易體病（Lewy body disease），是一種導致癡呆的破壞性腦病。近日由記者Dave Itzkoff所寫有關羅賓的傳記《Robin》出爐，驚爆羅賓死前不知被路易體病困擾，不時失控爆喊，記唔到對白，情緒失落！

Dave引述羅賓化妝師Cheri Minns的訪問，她表示羅賓拍攝《翻生侏羅館3：古墓的秘密》（Night at the Museum: Secret of the Tomb）時成日唔記得對白，情況幾近崩潰：「佢日日收工都喺我懷中爆喊，真係好慘，好慘，我同佢嘅團隊講：『我係個化妝師，無能力處理發生於羅賓身上嘅事！』」Cheri又憶起她鼓勵羅賓做楝篤笑搵返信心，走出抑鬱時，被羅賓拒絕：「佢只係狂喊同埋話：『我唔可以，Cheri，我已經唔知點做，我唔知道點樣可以好有趣。』」

羅賓生前曾被診斷有帕金遜症，據悉當時醫生曾指他仍有約10年正常的時間，羅賓亦一度積極抗病，不過原來一直被斷錯症，身心健康每況愈下，最後更決定結束生命。