錄歌兼拍戲！周柏豪自爆工作量好瘋癲
20180508
東網電視
更多新聞短片
周柏豪上電台宣傳新歌。
歌手周柏豪到電台宣傳新歌《男人背後》，受訪時柏豪指今晚將出發日本東京4日拍攝電視劇《多功能老婆》，不過佢就話怕怕多過興奮，皆因當地爆發麻疹：「雖然細個有打到針，但啲抗體都好似都走得七七八八，今次又打唔切，惟有平時洗多啲手，做足啲，去少啲人多嘅地方。」
年尾出新碟
工作排滿全年嘅柏豪話之後會再去杭州商演，再緊接兩場巡迴演唱會，而《多》就會拍到9月，佢都笑話工作量好瘋癲：「不過就好滿足，因為做巡迴，所以即使係拍緊劇，都要Keep住弗，保持體能，身體質素都會好。」問係咪冇時間造歌？他就透露已錄好6首歌，仲預計會於年尾出新碟。
細個鍾意睇動畫
此外，柏豪又講到最近去聽日本動畫御用作曲家久石讓的音樂會，更興奮地表示有入後台合照：「係我嘅夢想，好開心，細細個成日都會睇啲動畫，好有回憶。（有自薦合作？）好想呀！其實之前幫宮崎駿套《風起了》配音，都算掹車邊合作過。」
----------------------------
東網巨星開咗ig喇，大家快啲follow啦！