《韓薦》：鄭麗媛上演中餐館三角戀故事

又到新一集《韓薦》啦！舊年主演《魔女的法庭》嘅鄭麗媛最近拍住張赫同俊昊主演新劇《油膩的Melo》，套劇係以中餐館為背景，展開一段三角戀情呀。而今集亦會介紹吓電影界新星朴正民同金高恩嘅新片《邊山》，戲中本來係無名Rapper朴正民，接到暗戀對象金高恩嘅電話之後，返咗去鄉下邊山，但就遇上人生最大危機呀。

另外，今集亦會同大家睇吓防彈少年團嘅《Run BTS!》50集特輯，仲有Crush嘅新歌《Bittersweet》，同埋新人女團(G)I-DLE嘅介紹，咁精彩你哋又點可以錯過呀。