林敏驄搞Gag叫許志安做「水廁安」

20180510
東網電視
更多新聞短片
林敏驄搞Gag叫許志安做「水廁安」。

歌手許志安(安仔)現身由林敏驄與梁漢文主持的ViuTV遊戲節目《Good Night Show全民星戰》,梁漢文以多年老友同球場上最佳拍檔來形容安仔,不過,林敏驄卻大玩爛Gag,他笑指安仔:「佢除咗踢波叻之外,仲有一門手藝,就係專門幫人『安水廁』,所以個個都叫佢做『水廁安』。」安仔聞言沒好氣表示:「大膽,竟然叫我做水廁?」

安仔向來踢開波,不過在遊戲中跟女藝員比賽以倒掛金勾射門鬥多時,竟然落敗,賽前,安仔信心十足地說:「畀個靚女同我玩倒掛金勾,對佢有啲唔公平囉。」賽後安仔也自言估不到自己會輸,揚言下次一定要復仇。

此外,林敏驄在節目上繼續大玩不文,在「想入飛飛」環節中,遊戲玩法是用紙飛機掟入特製鐵環,林敏驄突然說:「我飛隻飛機出嚟,安仔,你幫我打落嚟。」安仔即時呆一呆:「我將佢打落嚟?」林敏驄續說:「你會用咩打呀?」對於林敏驄的「狂言」安仔未及時應對,幸好梁漢文「插嘴」:「我驚你飛到我哋對眼呀!」為安仔解圍。

----------------------------
東網巨星開咗ig喇,大家快啲follow啦!
https://goo.gl/KGuo2N