撇翠如孖曹永廉搵食 蕭正楠有新疆女埋身
20180510
東網電視
更多新聞短片
唔怕返香港畀人扭耳仔？
藝人曹永廉（阿廉）與蕭正楠（阿蕭）現時身在新疆烏魯木齊，一時去沙漠，一時又去大草原，其實阿廉今次除了為無綫劇集《包青天再起風雲》拍外景，更與阿蕭拍攝公司的節目《兄弟大茶飯》，二人每朝凌晨四時便起身出發，拍至凌晨三、四時，最辛苦是每天的來回車程都相當「攞命」！
上山炮製港式美食
阿蕭接受訪問時說：「阿廉真係好忙，拍完劇衫都未換就要拍個節目，我哋今日就喺大雪山草原拍攝，煮一啲港式嘢好似沙嗲牛肉麵、綠豆沙、新疆羊肉串燒畀劇組食，連新疆人都有嚟食吓啲港式嘢！」他又笑說：「有個新疆女仔攞住個兜埋嚟話：『我想要』，我以為佢想要雞湯，咪畀佢囉！點知原來佢要水，佢飲過我啲雞湯後，就係咁不停要雞湯！」他又坦言為了住一些近市場買煮食材料的地方，所以每天往拍攝場地都很遙遠：「我哋住喺烏魯木齊嘅邊皮，今日都坐咗五個鐘頭車先去到拍攝現場，依家又坐番五個鐘車返酒店。」
而阿廉說到劇集即將拍完時，要否Call幾隻駱駝開Party？他笑說：「騎駱駝真係好痛，痛到不得了，痛到標眼水呀！駱駝背脊條骨好粗，又長又粗，坐喺度個屁股真係好痛，攞個咕?墊都冇用。」
----------------------------
東網巨星開咗ig喇，大家快啲follow啦！