咁大膽?古巨基未忘初戀:老婆都知

20180511
東網電視
更多新聞短片
小心啲喎!啲女人好蠱惑!
歌手古巨基一連五場紅館演唱會今晚開鑼,來到「初戀」環節,台上播出基仔的聲帶,分享自己的初戀故事,他表示初戀女友是高中同學Shirley,兩人首次約會是在快餐店,對方細心為他篤凍檸水的檸檬,令他覺得溫柔體貼及浪漫,自此見到凍檸水都會想起對方。他亦謂第一次拖女仔是在土瓜灣戲院,笑言已忘記電影講咩,只記得兩人膊頭掂膊頭、手㬹掂手㬹,繼而手拖手的感覺。然後謂第一次送對方返屋企是一齊搭巴士,在樓下隔住鐵閘睇對方上樓,自己在樓下等了15分鐘,以為對方會下來畀個Goodbye Kiss,但可惜只是自己傻仔。他又謂第一次與女仔煲電話粥是自己匿在被窩內,兩人傾到半夜都不願收線,直至聽到對面扯鼻鼾才收線。
仲Keep住初戀情人送嘅禮物
接着身穿白花大衣、內裏是白色通花襯衫的基仔出場,唱出《其實我我我》。唱到《歡樂今宵》時,大衣更會發光,十分唯美。然後基仔問大家有冇收起初戀送的禮物,笑言:「我有,情信、相呀,我講出嚟有咩所謂呀?老婆都知,佢知擺喺邊添,希望佢唔會攞出嚟偷睇。」他又謂做歌手可以將回憶放在碟內,然後就唱出《戀無可戀》。
首次開騷跳舞
來到「青蔥」環節,唱到《子華說》時,台下的黃子華沒有上台,但台上就播出有子華樣的短片及聲音Featuring,而基仔就與Dancers又跳又唱,唱完後大會鏡頭影住台下的子華,見他拍手支持。然後基仔跳唱出十分鐘的Dance Medley,背後螢幕播出香港及其他國家的地方,其中來到拉斯維加斯時,身穿禮服的基仔及身穿婚紗的古太Lorraine的相在螢幕上閃過。跳完後,基仔喘晒氣想講嘢,但笑言唔記得想講咩,轉頭再講過,然後就降下台。
----------------------------
東網巨星開咗ig喇,大家快啲follow啦!