送獨立屋畀陳自瑤　王浩信寫老婆名勁豪爽

藝人王浩信下午現身中環，為品牌示範菜式預祝母親節。見他下廚時表演得有板有眼，原來王爸爸本身亦堪稱廚神！他笑謂：「我哋係新疆人，爸爸對餃子及羊肉烹調都有一手，呢排我放緊假，同父母囡囡溝通多咗，發現屋企有好多飲食寶藏，會努力去跟爸爸學嘢，母親節一齊氹吓媽咪。」

銀碼有限

浩信與媽媽都有鼻敏感，這個母親節他送了三合一空氣清新機給對方，更笑言：「驚喜會陸續有嚟。（代囡囡送乜畀太太陳自瑤？）呢樣好大件，就係買樓送畀佢，佢鍾意獨立屋，我會努力做嘢，希望今年成事。」他坦言「銀碼有限」，故會選擇將軍澳或西貢置業，及方便返工。問到是否寫太太名下，他豪爽答：「係，冇所謂。佢依家唔喺香港，出咗埠做嘢，所以唔能夠一齊慶祝母親節喇！」