陶大宇《刑偵》講「啫時」？方健儀煲劇解構
20180511
東網電視
更多新聞短片
點解呢？
最近在深宵重播的無綫經典劇《刑事偵緝檔案II》，有不同年齡層觀眾追看，據無綫收視資料顯示，該劇由3月開始播第一輯至今，收視一直高企，截至4月底，更高達8.3點，約54萬人收看，重播都有這樣佳績，認真經典，有網民又表示要去mytv super煲劇，認真誇張。
同樣追看該劇的方健儀，在社交平台貼出《刑偵II》劇照，並留言：「真大鑊！昨晚睇完《刑事II》，太緊張，用盒子一口氣追咗兩集到凌晨三點……『啫時』、『啫時』……其實『Jessie』係咪真係咁難讀呢？」當中很多觀眾都留意陶大宇叫Jessie時，讀音常有變異，包括有：「啫時」、「遮時」、「遮匙」等......
如此多人喪追《刑偵II》，除了談論Jessie正確讀音外，令人看得肉緊的「大勇」陶大宇、「Jessie」郭可盈、「Carmen」郭藹明的三角關係，亦成為這星期的焦點，就連方健儀都稱看得肉緊。她回覆東網表示：「呢個時段係我工作完靜落嚟時間，所以就會睇吓劇，以前啲劇真係幾好睇，我自己都做過執法機關，好鍾意同老公一齊討論劇中案件，另一個吸引地方，都係佢哋三角戀關係，幾牽動人心！如果我係嗰兩位郭小姐，都會叫大勇唔可以對人咁好，太好人會畀人錯覺！而陶大宇『師奶殺手』形象咁深入民心，我記得當年大結局真係返屋企追睇！」
----------------------------
東網巨星開咗ig喇，大家快啲follow啦！