黃夏蕙想搞慈善美男選舉：最緊要合眼緣

藝人黃夏蕙、苗金鳳、劉錫賢、黃竣鋒和楊峰等人到尖沙咀出席粵劇演員黃偉坤的生日會。接受訪問時，黃夏蕙表示是因爲之前開慈善演唱會的時候得到黃偉坤義唱兩首歌，並籌得六位數字的善款，於是就帶同三個契仔來對方的生日會撐場當是報答。

勁多獎金吸美男

問到黃夏蕙之後會否繼續舉辦不同類型的慈善活動，她笑言可以考慮搞一個美男選舉：「好似亞洲先生咁，選出全香港甚至全世界的美男，我揀男人就唔一定要肌肉，最緊要係合眼緣，就好似揀老公一樣！（叫啲契仔去選？）佢哋個個都靚仔，揀唔落手呀。（有咩獎金獎品呀？）獎金就一定要，夠多先至吸引㗎嘛，獎品就真係未諗到，（送香吻？）唔值錢喇，想送都送唔出呀！」

苗金鳳分享保養之道

同場的苗金鳳就說自己如今不習慣受訪：「都已經抖咗好耐，個人懶咗，得閒都係周圍去見下朋友，去下應酬同飯局，戲癮都已經冇晒，依家係要享受人生！我都好樂意參與慈善活動同埋做義工，要搞嘅話就唔好喇。（有咩保養心得？）冇喎，我又唔戒口，乜都食，唯獨唔食牛肉，得閒游下水，人生最緊要過得幸福。」