最激一次！欣宜床戰鄧健泓：張被畀人扯開

藝人何佩瑜（Jeana）、鄭欣宜、雨僑及連詩雅等下午云集中環，為網劇《性敢中環》開工。Jeana與欣宜孖住受訪，談到劇中難忘場面，欣宜笑謂：「我獻出咗螢幕最激嘅一次床戲。（同邊個？）人夫鄧健泓，我都好期待同佢合作，覺得佢好生鬼，大家產生到化學作用。（好性感？）冇諗過露嘅都露咗，張被畀人扯開。」她又笑言自己是「動作演員」：「可能我中文唔好，所以文戲唔得，反而『動作戲』1 take起2 take止！」

Jeana封胸晒腳

至於Jeana則「封胸」現身，問到是否簽約英皇後改路線，她笑謂：「今日都有腳睇，夏天呀，有雀斑。（有冇親熱戲？）同栢天男咀，事前佢有啲緊張，所以同佢傾吓偈，輕鬆吓先。」此時欣宜聞言笑說：「當年拍MV我都同佢咀過，不過最終個shot冇出到！（食唔少『好嘢』喎，最想再同邊個拍先？）金城武，呢個型男橫跨過幾個年代，係堅嘅男神！」