人間煉獄 杜汶澤避債走佬台灣住洗衣工場

20180514
東網電視
更多新聞短片
杜汶澤預告50歲去選健美先生。

藝人杜汶澤(阿澤)為由他主持的ViuTV節目《走佬去台灣》作宣傳,見他身材非常健碩,揚言希望50歲去選健美先生:「我先要砌低陳奐仁先,再砌低其他專業。(叫埋陳奐仁一齊參加?)佢唔得,佢係減肥界,就好似我喺電影《豪情》咁,減肥就好似使錢咁,使得狼就得,健身就好似儲錢,一蚊一蚊咁儲,好難,我依家46歲,仲有時間。」

要先捐到入去瞓覺

談到今次節目,阿澤在台灣拍了一個月,重回他當年避債的走佬路線:「當年喺台灣避咗一年,我去番當年住嘅木屋,喺士林區,當年我係投靠一個朋友,住喺佢嗰間由木屋搭出嚟嘅洗燙廠(洗衣工場),入面住嘅人全部都係嚟走佬,我投靠嘅朋友都係走佬過嚟,就好似《英雄本色》入面嘅曾江咁,不過依家間木屋變成議員辦事處,真係幾感概。記得當年住嘅木屋下層係工場,上層係瞓覺嘅地方,要烏低身先捐到入去瞓覺,梳洗都要跪喺度。(去到有冇眼濕濕?)冇,我個人係展望將來,過去就過去,人生如夢,好似發咗場夢咁,走佬嗰年係1992年,不經不覺都26年。」

五秒鐘成功溝到女

除了走佬路線外,阿澤亦會在節目內講溝女:「佢哋要我去溝女,約個女仔食牛扒,要偷拍我。佢哋真係好失敗,我五秒就溝到,明星嚟㗎嘛!難怪我老婆(田蕊妮)咁憎ViuTV ,哈哈!(你最後有冇食到?)有食到塊牛扒,講得清楚啲。」

不回應舊愛感情事

他覺得今次拍攝角度很特別,亦有講買樓及移民台灣:「台灣啲樓好平,我都心郁想買。(有冇興趣移民當地?)拍完個節目之後反而冇咁想,如果我單身就過咗去,我又有貓又有老婆。」至於其舊愛顏仟汶被指界入前無綫小生詹秉熙的婚姻,他表示沒回應。


----------------------------
東網巨星開咗ig喇,大家快啲follow啦!
https://goo.gl/KGuo2N