人肉乾煎!張智霖孭大褸喪跑預硬食中暑

20180516
東網電視
更多新聞短片
熱到咁,就連Chilam都頂唔順,阿佘呼籲要量力而為。

由邱禮濤執導、張智霖(Chilam)、吳鎮宇、佘詩曼和洪天明等演出的電影近日在金鐘添馬公園開工,一連幾天拍攝大型場口,劇組出動近百名臨時演員。由於連日來氣溫徘徊30度以上,加上現場全無遮擋,眾人均要頂住太陽開工。東網收到讀者報料,指有數名臨時演員前日難抵酷熱天氣,拍攝中途暈倒。

喪跑不斷流汗

有自稱該片的臨時演員,在社交平台講述事發經過,透露前日(14日)拍攝至中午時分,因感到輕微中暑便走到陰暗處休息,至當日通告完成也沒有埋位。不過拍攝期間,卻見到有人疑中暑,期間更嘔白泡暈倒,劇組見狀即停止拍攝,直至把該臨時演員送院才繼續開工,文中更埋怨導演未有給予足夠時間休息,還要穿長袖衫於猛烈太陽下拍攝數小時。

至於Chilam與阿佘昨日(15日)現身同一地點開工,拍攝Chilam喪跑戲份,二人未埋位前爭取在車上休息,臨時演員則分成一堆堆躲在樹蔭下,但部分人亦只能在猛烈陽光下暴曬。穿上長袖衞衣的Chilam不斷流汗,對於前日有臨記中暑,他表示當時不在場,故不太了解,但坦承近日天氣太熱:「夏天拍戲就成日有呢啲嘢(中暑),我都試過好多次,記得有次喺橫店,之後飲咗解暑飲品好快就冇事。臨時演員真係好慘,做兵嗰啲仲要企住幾個鐘暴曬,所以我鍾意冬天拍戲,起碼唔使補妝,我今日都三件戲服,依家未埋位着住一件先。」

阿佘籲量力而為

問到有何防暑招數?Chilam搞笑說:「咪就係硬食囉,演員喺鏡頭前好風光,其實有苦自己知,惟有唔使埋位時,盡量情緒唔好太高漲,都幾刻苦耐勞㗎!」又嘆所賺的是辛苦錢。阿佘亦呼籲大家不要低估今個夏季,無論於戶外工作或運動,都要多喝水,一切要量力而為。洪天明則說:「嗰日天氣真係真係好熱,有啲臨時演員頂唔順,但大家都要小心,盡量飲多啲水。」

----------------------------
東網巨星開咗ig喇,大家快啲follow啦!
https://goo.gl/KGuo2N