着短裙極危險!唐曉彤登台怕畀醉酒佬抽水

20180516
東網電視
更多新聞短片
唐曉彤喺內地騷同歌迷近距離接觸時都步步為營!

歌手「長腿女神」唐曉彤(Kiko)和經理人到內地商演,身穿露肩,蕾絲短裙大騷長腿的她,一口氣送上幾首自己創作的單曲。首次在內地登台演出,Kiko主動跟台下觀眾握手並送上簽名相,還來個大合唱。

Kiko表示:「頭先企喺台度唱歌,其實係好膽顫心驚,手心都冒汗,一嚟擔心台下觀眾反應唔好,二嚟雖然我係『打底王』,但都怕着穿短裙時會被醉酒客抽水,但好開心、慶幸經理人對內地騷好有經驗,一早同我排練過同講解過喺內地騷嘅流程、要訣。」

Kiko認真再說:「依家大家都知做歌手唔係好容易,夜店登台雖然會好雜,但正如好多前輩都話,藝人做到夜場job嘅話,所有演出都冇問題。因現場可以學到執生、練歌喉,甚至會連個膽都練大埋,日後更多大型演出,甚至拍戲就更能揮灑自如。」