林敏驄手口並用「偏幫」麥家琪

藝人麥家琪為ViuTV節目《全民星戰》擔任嘉賓，當兩位主持人林敏驄（阿驄）、梁漢文介紹家琪出場時，口不擇言的林敏驄竟以「過期導彈」來形容她，林敏驄說：「呢位嘉賓擁有一雙炮彈，屬於過期導彈，不過都好有殺傷力嘅……麥家琪。」麥家琪甫出場，即回應對方：「冇咗好耐喇（指導彈）拆咗啦！」麥家琪與林敏驄甫見面即互相鬥嘴，阿驄在遊戲開始前無端端寸家琪：「你着咗褲，我唔認得你！」而家琪就「回敬」：「你着咗褲，我夠唔認得你，你平時都唔着褲。」

在玩遊戲期間，當林敏驄表示幫不到麥家琪時，麥家琪又再說：「我最憎靠男人。」林敏驄聞言即笑笑口謂：「講啲咁嘅說話，有種。」雖然二人唇槍舌劍，但其實Friend過打Band。在節目中，林敏驄手口並用「偏幫」家琪，林敏驄不禁說：「有我喺度操控戰果。」令家琪輕輕鬆連勝三個遊戲，捧走大部分獎金，事後林敏驄對於家琪成為大贏家說：「家琪真犀利，雖然導彈冇攞出嚟用好耐，但威力依然咁犀利。」

----------------------------

東網巨星開咗ig喇，大家快啲follow啦！