孖好友做Gym！神隱言承旭證實做「老竇」

台灣型男言承旭（Jerry）去年底被爆與林志玲疑復合，不過卻遭林志玲否認戀情，兩人關係又再撲朔迷離。神隱多日嘅言承旭，呢日就畀好友劉畊宏踢爆現身上海，劉畊宏喺微博甫出與言承旭做Gym嘅合照，仲留言：「好兄弟……我的地方就是你的地方！」

相中言承旭戴上Cap帽、着上黑T大晒臂肌，粉絲見到都好興奮咁留言：「失蹤人口又冒出來啦」、「低調的Jerry總是出現在朋友的微博裏」、「謝謝畊宏哥給的福利！」，仲有人夠膽TAG埋林志玲添！

另外，近日亦有粉絲遇到言承旭拍節目，期間言承旭勁親民，影相簽名紛紛有求必應！據知言承旭亦證實將參加內地真人騷《放開我北鼻3》，喺節目內做一個實習爹哋，令粉絲十分期待。