畀女圍唔怕女友嬲　韋家雄：佢信我冇人吼

演員韋家雄、邵音音、郭思琳、林慧倩、菁瑋、楊柳青等在觀塘為新片拜神。拍照時眾女演員作狀打韋家雄，將結婚的他笑謂不擔心未婚妻Keynes呷醋，他笑說：「冇幾可畀咁多女仔圍，佢唔會唔鍾意，佢好大方，知道係做嘢，佢信我冇人吼。」

搵人Share場地

韋家雄透露預計10月6日結婚，8、9月會先在香港拍婚紗照，他說：「定咗10月6日或者11月，但係10月6日原來係好好日，好多人結婚，所以仲搵緊場地，有冇人訂咗場可以Share一齊用，哈哈。」

細個好鍾意西城秀樹

此外，講到日本殿堂級歌手西城秀樹病逝，韋家雄話：「吓，好突然，細個好鍾意聽佢嘅歌，佢好靚仔，嗰個年代好興日本偶像，人生真係化學。」