8度着泳衣扮Enjoy 貝安琪拍廣告凍到震

20180518
東網電視
更多新聞短片
貝安琪冬天時打咗呢個廣告,當時要着泳衣「曬太陽」,表面好享受,其實就凍到震!
上年生咗個可愛囝囝的名模貝安琪(Ankie),早前孖住袁文傑拍攝樓盤廣告,廣告拍攝了兩日,Ankie施展渾身解數,既玩空中瑜伽又要着泳衣,尾段更被袁文傑求婚,畫面浪漫。首度合作的兩人一拍即合,Ankie大讚袁文傑:「佢係一個好Nice、好謙虛、好gentle嘅人,同佢合作真係好開心,真係覺得可以再同佢合作,因為佢個人非常之好!」
「凍到入心入肺」
Ankie謂廣告是冬天拍攝,最難忘是寒冷天氣下要着泳衣「享受」陽光。當時她要着上泳衣,在泳畔旁曬太陽,凍得整個人僵硬,每拍完一個鏡頭就要立即穿回大褸,她說:「拍攝當天氣溫大概得8度,中途仲落毛毛雨,真係好凍,凍到入心入肺,吹到我全身起晒雞皮。不過辛苦得嚟開心,個個工作人員都好盡力一齊做好佢。本來覺得自己着咁少衫好慘,但當見到攝影師喺泳池入面,影咗好多個鐘,喺水入面好凍好凍,佢都不停喺度震,我就覺得自己都唔係咁慘,個個都出咗好多力,結果都好開心。」