生B獎勵老公？徐濠縈逼陳奕迅地獄式操弗
20180518
東網電視
更多新聞短片
會唔會逼得太緊？
「潮媽」徐濠縈（阿徐）出席品牌活動時以露腰裝示人，表示最近勤於操練，並透露終於成功勸到老公陳奕迅（Eason）做健身：「佢成日話自己唔係肥，我挑戰佢，師兄（劉浩龍）都減咗三十幾磅，我又唔使佢操到咁，瘦番少少啦！」她透露Eason現在一百七十多磅，剛開始請教練Michael進行地獄式訓練：「每星期一至兩日，每次個半鐘。（怕唔怕冇恆心？）驚我鬧佢，我成日問佢約咗教練未，暫時仲有嘅，畀三個月時間佢，唔使咁急。」
提到Eason三個月內不能食「好西」，阿徐認為不用節食，反而需要進食更多。她指Eason亦有打羽毛球，比以往相當大轉變，問到會否獎勵老公？她直言：「佢有同我講條件！（生B？）唔啦，我老喇，鍾意六舊腹肌多過大肚。」她又透露女兒有興趣跟隨一起做健身，非常健康。
----------------------------
東網巨星開咗ig喇，大家快啲follow啦！