捐逾百萬獎金做善事！霆鋒為長者煮愛心飯

藝人謝霆鋒（Nic）主理的《名廚爭鋒》完滿結束，在節目最後一集內提及過，這次比賽的優勝者將會揀一個慈善機構展開活動，而勝出的霆鋒就揀了「惜食堂」作為獎金捐贈的受惠慈善機構，機構將會收到總值240,000美元（約1,883,940港元）的捐助。日前，霆鋒就到該慈善機構大本營行動。

今次霆鋒主要的任務，係為長者的愛心飯盒選購材料與收集不同的剩食，然後再返到中央廚房，利用收集得來的食物製作飯盒，再免費派發畀社會上需要食物援助的人士。在廚房備食材時，機構總監見到霆鋒切青椒就說：「我哋以後切椒可以用你個方法，你個方法原來快好多！」霆鋒就說：「切青椒其實有中式同西式嘅方法，中式係切頭切尾切個心，跟住『滾刀』、再搣，我呢個切法就係攞住個『椗』，切四邊就搞掂。」

一切準備就緒，霆鋒就跟住義工們推飯上飯堂，並為公公婆婆安排上菜。期間，跟霆鋒在《名廚爭鋒》比試的名廚David Rocco突然現身飯堂派飯，David說：「我想畀個驚喜Nic，同埋嚟支持佢。」霆鋒當然感到surprise：「真係好突然，冇諗過佢會喺香港。」

除了在廚房凖備餸菜，霆鋒仲預備咗「Angel Cake」添！而霆鋒更用上低糖的材料去炮製啱長者食的angel cake，採用的cream全部都是最健康，同時亦都呼應番「Food Angel」呢個名。霆鋒被問到捐贈慈善機構的原因，他指其實一直都好想回饋社會，亦覺得「惜食堂」很合適，所以希望籍着今次去傳播咁有意義的行動。對於這次行動，霆鋒坦言感受深刻：「見到咁多人一齊去用心去做呢件事，其實係好touching，係更深層appreciation，見到咁多受惠者都充滿笑容，對我嚟講係好有意義。」