醫唔好就一世！梁烈唯椎間盤開始移番正

藝人梁烈唯到電台宣傳邵氏網劇《飛虎之潛行極戰》，講到他之前拍此劇受傷，他表示仍醫緊：「開始好啲，隻腳冇咁痹，醫師話我椎間盤開始縮番入去，因為個盆骨撞扭曲咗，依家慢慢移番正。」

他亦謂要keep住睇醫生，要繼續睇到斷尾為止：「佢叫我唔好諗住唔睇又走去拍動作戲，只要姿勢唔好好易又歪，如果整唔好下半生會好辛苦，我試過嗰啲痹真係好困擾。」他亦謂現時拍不到動作戲，運動都不可以做：「慢跑都唔得，只可以行路。」