食氫氣球！關心妍講「I love you」變晒聲

歌手關心妍（Jade）雖然已為人母，但依然童心未泯！近日去咗美國芝加哥嘅佢，為咗一嘗食得嘅「氫氣球」，就專誠去到一間好正嘅餐廳。Jade喺社交網上載自己食「氣球」嘅短片，片中見佢一見到個「氣球」就超興奮，急不及待又吸又啜，食咗兩啖之後仲因為氫氣嘅緣故，把聲即刻高八度，不停對住囡囡喪講「I love you」。之後佢聽到其他人食完「氣球」變晒聲，仲笑到收唔聲，非常搞笑！