林書豪甫惡搞圖力撐周杰倫新歌
20180518
東網電視
更多新聞短片
邊張先係真正嘅宣傳照？
台灣天王周杰倫（周董）早前推出新歌《不愛我就拉倒》，當中嘅歌詞更由佢親自操刀，但亦因此引起極大回響，唔少網民都狠批歌詞太過淺白，紛紛召喚音樂人方文山救救周董。
身為周董老友嘅林書豪亦就社交網甫相力撐新歌，不過佢唔係甫出好友嘅相，而係甫出一張惡搞圖。林書豪將自己個頭key咗喺周董嘅新歌宣傳照上面，仲好抵死咁改埋自己個名上去，相當爆笑！周董睇到之後都忍唔住留言：「what the…」其後周董更將呢張惡搞圖甫喺自己個社交網，並笑言：「我可以檢舉你嗎 hahahaha 笑死我了 我知道你夠兄弟 但…這我無話可說了 @jlin7」
此外，周董嘅另一個好友林俊傑（JJ）亦同樣甫出惡搞圖，更留言：「一直想換髮型，卻又不敢，終於找個好榜樣了！@jaychou @jlin7 #不愛我就拉倒」，而周董亦有甫喺自己嘅社交網，並留言：「你們真夠朋友 哈哈哈 你也是暖男一枚 你要不要下支mv試試看這樣 @jj_lin #不愛我就拉倒」
----------------------------
東網巨星開咗ig喇，大家快啲follow啦！