性格念舊 葉蘊儀忍痛執走屋企雜物
20180518
東網電視
更多新聞短片
葉蘊儀出席藝術展活動。
藝人葉蘊儀出席藝術展活動，她表示自己一向都有留意藝術展覽，最喜歡雕塑，其後透露最近在做「斷捨離」，她說：「因為屋企有太多嘢，自己本身好念舊，多嘢都唔捨得掉，今次決定清晒佢，所以就開始執嘢，每日都執成兩三袋，將啲衫捐去慈善機構或送畀人。（屋企最多係乜嘢？）舊衫，好多係十幾歲嗰陣時已經留低，成日以為自己可以着得番，但原來好多都着唔落，今次的起心肝掉咗佢。依家唔會成日去買衫，覺得着衫係好隨性，我好鍾意以前喺台灣做嘢，嗰陣時佢哋有打歌服，成日着住嗰套衫唱歌其實幾好，唔使啲衫只着一次，唔會咁浪費。（依家主要買啲乜嘢？）買啲創作嘅用品，呢方面我就好捨得。」
----------------------------
東網巨星開咗ig喇，大家快啲follow啦！