不敵陳偉琪 鄧穎芝無緣連續3屆拎MVP
20180519
東網電視
更多新聞短片
鄧穎芝以1分之差不敵陳偉琪。
歌手鄧穎芝（Vangie）出席《2018 Panasonic學界籃球邀請賽》，已連續兩屆獲明星籃球賽MVP的她，賽前接受司儀范振鋒訪問都話希望可以保住MVP「寶座」，睇嚟信心爆棚！而今次Vangie被派落場幫手搶分，惟最終個人成績為13分，以1分之差失落MVP大獎，由敵隊藝人陳偉琪（Vicky）奪得。
表現未如理想
賽後問到完場感受？Vangie首先開心表示是第三年參加比賽，不過就覺得表現未如理想，因為最近都忙於做其他工作，都少咗操練：「今次主要係失咗搶籃板分數，對手又好高，但都開心受到邀請。」今年Vicky奪得MVP大獎，自己有冇失落？Vangie大方話唔緊要，又指都曾經同過對方打波：「都好欣賞佢啲球技，特別佢係頭頂射波，好難防守到。（開場前知道對方係對手有冇怯？）都冇，但有講到又唔係同一隊。」
或行山慶生
講到之後的工作安排，Vangie透露剛拍完網劇，不過新歌就要延遲到年底先推出。至於問到可得悉好友梁靖琪傳與小鮮肉結婚？她表示不知情，但就坦言見過小鮮肉：「覺得佢哋好Sweet。」另外，完場後有Fans為Vangie送上生日蛋糕，令她大為感動，問到正日會如何度過？她表示會親親大自然，或可能會行山慶祝。
----------------------------
東網巨星開咗ig喇，大家快啲follow啦！