深藏不露！吳幸美李忠希原來好唱得
20180520
東網電視
更多新聞短片
吳幸美同李忠希原來識唱歌㗎！
無綫節目《流行經典50年》播出以來反應熱烈，仲搵嚟唔少好耐冇見嘅歌手亮相，尋晚播出嘅一集，竟然搵嚟無綫節目《東張西望》主持吳幸美同埋藝人李忠希唱歌，可能你會覺得：「吓？佢哋都識唱歌？」咁你真係大錯特錯！
先講吳幸美，相信最令人大家印象深刻嘅必定係佢「搵命博」，親自試飲睡眠水同埋斷片酒，其中斷片酒搞到吳幸美又喊又笑，真係睇到一額汗！平時喺鏡頭講慣嘢嘅佢，今次一臉正經咁唱出歌手陳慧嫻嘅歌《與淚抱擁》，估唔到一開金口，吳幸美呢把聲真係驚為天人！唔少網友話估唔到佢平時喺鏡頭前嘈成咁，原來真係幾唱得！但亦有網友要求勁高，話雖然水準唔係專業，但的確已經叫唔錯。其實吳幸美平時都接唔少登台工作，唱得吓真係靠平時練返嚟！
另邊廂仲有平時拍劇多過唱歌嘅李忠希，唔講唔知原來李忠希當年係歌手出身，仲拎過新人獎，今次唱番自己嘅首本名曲《太著緊》，大批網友力撐佢咁多年唱功都冇生疏，唱家班出身果然係唔同啲，仲話佢同吳幸美應該要唱番多啲歌，封佢兩個為隱世實力歌手！
網民熱話：
X明：掂啵，似陳慧嫻啵，係緊咗少少
TXXdy LX：好聽喎
HeXXXrt WXXg：今晚你一嗚驚人，你把聲好似陳慧嫻，亦可以唱到好高音，好有潛力成為歌手，以後要唱多啲歌畀我哋聽。我亦是今晚聽到你唱得咁好。
fhhXXXhh：李忠希唱歌唔錯
XX梅：李忠希以前幾靚仔，又唱得，紅不起有點可惜。
----------------------------
東網巨星開咗ig喇，大家快啲follow啦！