佗B三個半月！岑潔儀宣布再懷孕
20180522
東網電視
更多新聞短片
Zoey宣布有喜！
藝人岑潔儀（Zoey）喺2015年為馬來西亞富商老公Dixon誕下囝囝Damian後，一直視囝囝如珠如寶，去年出席活動時更直言希望追多個。呢日，Zoey喺社交網上傳一張着住一件頭泳衣，仔仔錫錫佢個肚嘅相，留言嗌大家估佢係有咗定係肥咗有肚腩：「冇獎問答比賽 你們估一下這是我肚腩！？還是Baby Bump！？」唔少網友睇到都估佢係「Baby Bump」仲留言恭喜佢添，不過亦有網友指佢呢個係肚腩嚟，叫佢「肥成咁減下啦！」。到底係咪有喜就真係要等Zoey開估喇！唔知幾時公布答案呢？
東網記者其後致電Zoey，她承認有喜並謂：「係呀，有咗三個半月，未知男定女，好開心呀，我同老公都諗，仔仔三歲半，應該計劃生第二個，同埋我哋都想BB屬狗，依家畀我哋有呢個屬狗嘅BB，係上天送畀我哋嘅禮物。」雖然未知仔定女，問岑潔儀想生仔定女嗎？她謂：「我想要女仔，但老公就想要男仔。（老公有冇乜嘢獎勵？）未知有冇獎勵，不過，我覺得小朋友健康平安已經係一個好好嘅獎勵。」
----------------------------
東網巨星開咗ig喇，大家快啲follow啦！