曾華倩面癱跳老舞　朱慧敏撐亞視有人睇

藝人朱慧敏到亞視為節目《今晚見》擔任主持，對於拍檔曾華倩被指面肌失調，問有否慰問對方？朱慧敏說：「佢冇乜嘢，嗰集係一個月前，嗰日行程緊密，之前訪問蘇志威，又要預錄跳舞環節，再錄影李婉華嗰集，可能忙啲。冇晒事，華倩嗰晚係攰，直播訪問時唔覺得有問題，當幫我哋節目宣傳。」她更笑言對方可以上封面，證明節目有人睇，觀眾亦關心各主持的健康。

問可會要求通告不要太密？朱慧敏說：「其實係我哋要求通告密啲，我哋依家通告係舒服，主要嗰日李婉華返嚟睇小恩子（黎瑞恩）演唱會，佢留喺香港兩三日，一落機嚟到亞視錄影廠，嗰日係特別安排。」

而曾華倩笑言自己經過事件變得「精靈咗」：「我有自己檢討，原來自己係唔可以負荷到。同更年期呢啲年齡原來太辛苦係唔得。嗰日有啲感冒，同埋中途食咗藥，啲藥力自己都唔知，咁多年第一次係咁，真係好驚，要向藥物SAY NO。同埋唔可以太辛苦，嗰日真係跳『老』舞。」她多謝大家關心，令她感到很窩心。

問當日做節目時可有感到不適，華倩說：「有，做緊嗰時已經覺得，但冇辨法一定要錄，嗰時個人開始暈但要扮到冇事。原來扮唔到，肌肉控制唔到。之後有兩日冇出街只係瞓，之後精靈番。（有做身體檢查？）第二日即刻有。更年期呢啲時間生理同心理上受荷爾蒙影響。以前唔知，但依家發生喺我身上先感受到。」

----------------------------

東網巨星開咗ig喇，大家快啲follow啦！

https://goo.gl/KGuo2N