肉搏周秀娜！「處男」林子超跟定欣學嘢

無綫重頭劇《宮心計2深宮計》熱播中，藝人林子超（Andy）更「處男下海」，呢套劇仲帶畀佢好多個第一次，Andy表示：「第一次參與無綫劇集，第一次拍攝古裝劇同第一次去橫店。」

Andy喺劇中同周秀娜有好多對手戲，佢仲話有好多場口好難忘：「有場同周秀娜埋身肉搏，最後畀佢踢跌！另一場係我要去唱戲曲，因為劇情話我入宮前角色係戲班旦角，要唱戲曲，咁嗰場戲要喺周秀娜面前唱，由男聲唱到女聲，身體上運用都好大轉變，雖然我有跳開舞，但係未唱過中國京劇，能夠接觸到呢個國粹，非常難忘。」Andy又覺得今次可以同咁多實力派演員合作，包括視后胡定欣、金像獎提名最佳女主角周秀娜等，係一件好好彩嘅事，仲話喺佢哋身上學到點做戲。