馬浚偉自認脾氣臭　難同女仔相處

藝人馬浚偉在無綫新劇《宮心計2深宮計》再次扮演皇帝，有人稱讚他入型入格，但回想入行初期他的形象卻不討好。當年他以歌手出道，因為宣傳策略失誤令他的唱片銷情慘淡。正想轉行之際，幸得無綫的曾勵珍及李添勝邀請為《鹿鼎記》試裝，他接受電台錄音訪問時，他回憶最初自己一口拒絕︰「我何德何能扮皇帝？點知我戴咗頭套、畫咗劍眉後，佢哋都話我扮相俊俏，仲話我有皇帝相，唔扮嘅話太浪費。」結果在記者會上，他戰戰兢兢地坐上龍椅，可是翌日的報章頭條全都用上「穿起龍袍不像太子」，對他打擊不少。

自認脾氣臭難相處

問及他的感情世界，他指女孩子與他相處絕非易事︰「我係個好有自己世界嘅人，亦係個有規律嘅人，就算再有規律嘅女子都未必招架得住。我做起事上來，脾氣就好臭、好惡。我曾經被女朋友鬧過自己係咪當軍人、警察，要接受軍訓咁。但我對自己要求就係咁，唔覺得辛苦。」早前於舞台劇中飾演徐志摩的他笑稱，自己應向徐志摩學習自由奔放的性格。雖然他身邊不乏紅顏知己，但能否一齊生活就要看緣分︰「我唔介意同幕前嘅女孩拍拖，演藝圈好多女孩都係好好，只係過往我接觸圈外嘅較多。」

同胡定欣合拍：以為佢有男友

在最近推出的新劇中，他與胡定欣對手戲甚多，戲外他又邀請胡定欣擔演即將重演的舞台劇女主角，兩人會否有發展的機會？他笑言一直以為對方有男友，二人在藝術演出上交流十分開心，他又大讚胡定欣是個好拍檔、好朋友︰「佢係個對自己要求甚高嘅女子，最難忘有一晚，我哋拍劇拍到深夜四點，等埋位時傾咗好多心事，我好欣賞佢嘅謙虛。佢好有興趣演出舞台劇，我哋就一拍即合。」他謂即使遇上合適的人，也不急於結婚，一切隨緣。

去北京大學進修碩士

他9月將到北京大學進修碩士課程，一圓小時候的夢想︰「我一直都羨慕大學生，當年中五會考不合格，未能升讀預科及大學。今次多得兩位師兄師姐及一位教授寫推薦信，終於面試成功。」