老竇自稱跟發哥後面　陳家樂：佢話我戲屎

藝人陳家樂出席關於家庭的活動，講到與家人的關係，他表示近年與家人關係好了很多：「細個嗰陣年少氣盛，同屋企人唔溝通，好易有衝突，成日處於崩緊狀態，到依家自己年紀大咗，父母年長咗、退休，所以就多啲傾偈。」現年32歲的他亦謂現時會多些陪父母，笑言：「我會同媽咪捉精靈，會同阿爸夾band同踢波，我自己本身識彈結他。」他又謂爸爸已退休，現時過住老人家生活，閒時會跟唱歌老師學唱歌。

問到可會考慮與爸爸登台？他笑言：「都想，阿爸自己都會去酒樓開騷唱歌，但我唱歌唔得，阿爸話我唱歌成『Pat』嘢咁，又話我啲戲屎，佢做過臨時特約演員，成日話自己跟喺發哥（周潤發）後面。（咩戲？）我唔記得啦，總之佢成日咁講，一重播佢就講。」問到他靚仔啲定爸爸靚仔啲？他笑言：「佢後生嗰陣靚仔過我，但就矮過我。」