「甜筒輝」獻螢幕初吻　李健仁好羨慕

「如花」李健仁及「甜筒輝」鄭文輝到奧運站出席主演電影首映，獲白雲、程芷渝、仙樂都、安采妮、陳達仁及邱美薇等撐場。

如花透露兩人在片中熱愛電影，卻被一名靚女騙了去偏遠地方，誤打誤撞下成為電影主角！今次喜劇由甜筒輝編劇，戲中他中了美人計，更將螢幕初吻獻給內地女演員奚美麗，他怕醜地說：「佢都係第一次錫！」如花即羨慕說：「叫佢下次安排番畀我，淨係益自己！不過我有條同孩子好感動嘅親情線，係我從影未試過，其實近15年我都喺大陸工作，拍過好多戲，已經脱離扮女人，做過皇帝同大俠！」

Crossover東北文化

講到今次電影有香港味道Crossover東北文化，他說：「我用我啲香港普通話，其實我本身唔識普通話，係慢慢喺內地發展，依家講到啲人哋聽得明嘅，反而甜筒輝啲普通話就冇人明，不過可以靠Body Language！」如花又透露今次再有扮女人場口，因戲中畀人糟質，令他之後發奮圖強。

多謝周星馳提攜

講到捧紅兩人的周星馳最近拍攝新片《美人魚2》，問可有叫兩人參演？如花說：「佢度啲期難度好高，有時等20日，拍得3日，我哋未必夾到，跟住我都忙要返橫店拍古裝劇，之後又會同甜筒輝合作一套偵探片，當然我哋好多謝佢（周星馳）提攜，因為佢，我哋先有機會可以依家做主角，好感激，希望有機會再合作。」

----------------------------

東網巨星開咗ig喇，大家快啲follow啦！