杜汶澤金句傍身 撩台妹上酒店

20180531
東網電視
更多新聞短片
杜汶澤《走佬去台灣》當老婆冇到!

演而優則導的杜汶澤,在ViuTV安排下重溫當年「走佬」到台灣的一段體驗,化身最佳導遊,真實呈現台灣的人情及民情!經常被指「口臭」的阿澤在節目中繼續口沒遮攔,更將溝女本色發揮得淋漓盡致!

杜汶澤最近為ViuTV全新節目《走佬去台灣》舊地重遊,九十年代因避賭債而「走佬」到台灣探路,過了一年地道台式生活,可說是台灣「工作假期」始祖!港人愛移居台灣,由阿澤這個最佳導遊介紹移台可謂最合適不過。

阿澤今次在節目中不是單純的吃喝玩樂,而是將「港仔」移居台灣的體驗,做「白老鼠」親身示範,重遊當年江湖朋友接濟他生活的士林、打工的熨衫廠,更會帶觀眾睇樓,例如近年港台兩地新興的形態社區生活。他又會放低藝人包袱做打工仔,去考車牌,當然還會展示「把妹」本色,去夜店及大學結識台妹,更帶埋當地的「Double May」齊齊浸溫泉!

屋主熱情攬攬

經常被指口沒遮攔的阿澤,節目中跟台語劇女王曾莞婷(Vicky)學台語,笑言要為溝女做好準備,完全不放太太田蕊妮在眼內:「唔使驚啦!老婆唔睇ViuTV嘅,佢只係睇TVB㗎咋!」Vicky踢爆他學的台語都很生活化,專學撩女仔的說話,阿澤笑說:「係啊,全部都係夜生活嘅用語嚟!」當中「小姐,你真美!」這種小兒科的當然冇難度,阿澤索性大膽學:「要跟我回飯店嗎?」及「你介意我有老婆嗎?」在節目中大派用場!

台灣跟香港一樣面臨住屋問題,新世代年輕人都為「上樓」而憂心,電視台以實況拍攝方式追蹤阿澤跟當地地產中介睇樓,並入住當地的「共生公寓」,與一班年輕人共同生活。當中有同屋主一見到阿澤就熱情地投懷送抱,阿澤對癡迷粉絲又愛又恨,笑說:「你再係咁,我一拳打死你㗎!」但口不對心,轉頭又再發揮口技,笑笑口氹番粉絲。

演戲無視劇本

有「小杜大廚」之稱的阿澤,與台灣朋友分享撚手小菜,更親自去街市買餸。見到街市阿姐,他又口花花笑說:「我有甚麼未試過,45歲了,我連非洲人都試過!」他煮飯時自爆煮得一手好菜,全因要溝女,更笑住踩自己的哥哥:「阿哥就集中溝女,食嘢好求其,我就食飯同追女仔都好正嘅!」此外,阿澤雖然已貴為電影總監,但身在台灣毋忘初心,不做導演,做番臨記。雖然只得一場戲,一句對白也沒有, 但他說:「以前我做過唔少臨記,但拍戲都係為錢㗎啦!我係咁膚淺,因為香港娛樂圈係咁膚淺,我咪配合番囉!」他一直覺得自己是實力派,坦言從來演戲都不理劇本,只是做回自己。