經典同學會會長何婉盈:聚會愈來愈難

20180601
東網電視
更多新聞短片
每次經典同學會聚會都是由何婉盈做搞手。

由於無綫的《流行經典50年》節目掀起懷舊熱潮,令一班80年末、90年代初的歌手聚首一堂,鄭敬基(Joe)就在社交網上載照片,包括黃寶欣、李樂詩、莫鎮賢、江希文、韋綺姍、劉彩玉、何婉盈、文佩玲、黃翊、劉小慧、黎明詩等,非常熱鬧。

Joe形容真係世紀聚會,聚會由何婉盈發起,所以稱她做「班長」:「之前佢哋搞過燒烤聚會,我出席得比較少,尋晚我哋食嘢之餘,仲有玩遊戲、有獎金,啲獎金會捐畀慈善機構。」他透露7月15日他們還會參與中環舉行的一個慈善活動,為智障朋友籌款。

何婉盈回覆東網說:「因為一次《流行經典50》有個lunch,我哋一班歌手見到面,就抄牌影相,然後我提議整個group,因為大家咁難得見到面,聚聚吓,因為個group係我開,咪變做班長囉,『經典同學會』個名都係我作出嚟,初初都係食lunch嗰班歌手聚會,之後一路有人介紹入嚟,不停加入新成員。」

談及聚會,她說:「今次已經係我哋第三次聚會,通常兩個月搞一次,每次聚會都係由我安排,先定個日子,我會畀4個日子大家揀,多數服從少數,睇人數再定地點,所以對我嚟講都係一個挑戰,愈來愈有難度,因為搵地方好難。」不過她都覺得大家能聚首一堂好難得,她說:「好似莫鎮賢,佢成日唔喺香港,今次都專登返嚟,蔡濟文又長駐上海工作,今次好多謝鄭瑞芬、寶欣同無綫兩個幕後同事幫手搞。」下次聚會暫定8月底9月初,因為有些朋友在外地返港,所以大家盡量遷就。

談到7月舉行的慈善活動,何婉盈表示這個音樂會,他們都是義唱,一蚊都冇收,她說:「係幫Joe服務開嘅慈善團體,佢喺嗰度做義工,人哋出錢,我哋出力,每人唱一首歌支持吓。」




----------------------------
東網巨星開咗ig喇,大家快啲follow啦!
https://goo.gl/KGuo2N