曹永廉自詡有凹凸 身形弗過蕭正楠多多聲

20180602
東網電視
更多新聞短片
曹永廉永遠都對好兄弟蕭正楠唔客氣。

藝人曹永廉和康華到尖沙咀出席護髮品牌活動。二人異口同聲表示深明護髮重要性,原來康華早前拍無綫劇《宮心計2深宮計》,髮飾造型起用自己真髮:「梳頭拉扯到好痛,洗頭時頭髮一撮撮甩。」阿廉亦謂:「到我呢啲年紀,真係甩一條少一條呀!(少啲拍古裝黐頭套?)好難避免嘅。(揀大肚腩定甩髮?)肚腩有得減。」

談到《深宮計》劇內好兄弟蕭正楠與馬國明等「出浴」吸睛,阿廉抵死謂:「佢(阿蕭)身形唔好,完全比下去啦。(你身形好啲?)你見到我有凹凸就知。佢完全唔靚,以後着衫好啲喇。」康華聞言卻大讚阿蕭勤力:「拍嘅時候成日聽到酒店房門口有操肌拉扯聲,原來佢用門嚟做道具操肌。」

阿廉花了兩個月時間到橫店和新疆拍攝新劇《包青天再起風雲》,終於煞科,他表示:「依家內地好先進,一啲都唔辛苦,多嘢食,只係新疆溫差大,試過10度變40度,我都感冒。眼見多人中暑,不過冇人有危險,都算托賴喇。」

----------------------------
東網巨星開咗ig喇,大家快啲follow啦!
https://goo.gl/KGuo2N