1/4世紀冇見蔡濟文　黃翊：我哋都衰衰格格

去年「復出」再戰樂壇的黃翊，在社交網上載參加何婉盈、鄭瑞芬、黃寶欣等人搞的「經典同學會」聚會，見到黃翊攬住早已退出樂壇的蔡濟文（蔡仔），黃翊留言：「大家都有轉變，但裏面同90年一樣，我愛你蔡濟文。」

黃翊回覆東網笑說：「我冇見蔡仔幾耐呢？假若我將呢個人生當好好彩有100歲，咁我已經有四分之一世紀冇見過蔡仔，見到佢，我梗係開心啦，我同佢都係衰衰格格咁嘛，啱晒key。」

大家都貪玩

黃翊憶起當年為無綫《SUNDAY新地帶》做主持，他笑說：「90年代所有樂壇新人都上過晒嚟，畀我玩過晒，蔡仔當然都唔例外，蔡仔個人好玩得，我個人又貪玩，大家都有幾句偈傾，以前都有約出去玩食飯。」

不過之後黃翊就淡出樂壇，亦跟同行歌手中斷聯絡，他說：「一斷就斷咗廿幾年。」他曾經聽說蔡仔發福了，他笑說：「我諗唔會啩，因為蔡仔喺我哋年代係青靚白淨，好受啲靚女歡迎，我哋好妒忌佢。」

成日搞聚會

直至日前在「經典同學會」聚會上，見到很多歌手朋友，他說：「其實今次係第四次聚會，第一次喺我舖頭聚，第二次佢哋食私房菜，我冇去到，對上次就係BBQ，今次就喺黃寶欣嘅茶檔，亦係最多人出席一次，有成廿四、五個，係幾開心嘅，眨下眼廿幾三十年，個感覺好得意，大家都成熟咗、大個咗，見番面好似一見如故，大家好close，感情唔錯。」7月他們還會去撐鄭敬基有份參與的一個慈善活動演唱。

---------------------------

東網巨星開咗ig喇，大家快啲follow啦！