《深宮計》出場即死　陳庭欣晒「遺照」自嘲

無綫重頭劇《宮心計2深宮計》連近日傳出與富商楊振源（Benny）了解中的陳庭欣都有份參演，不過佢出場冇耐就已經死咗，喺《深宮計》中飾演「王葭」的陳庭欣係胡定欣同父異母嘅妹妹，佢使橫手從家姐胡定欣手上搶走馬浚偉做臨淄王妃，最後畀胡定欣落毒搞到爛面，更睇唔開上吊自盡。今日陳庭欣就喺社交網上載王葭嘅「遺照」，仲自嘲「小姐邊位呀」，連網友都話佢死得好慘，雖然得幾個場口，不過唔緊要啦，隨時嫁入豪門做少奶奶唔使捱，最緊要Benny知你係邊位就得啦。