曾昭怡曾昭亮晒相賀老竇再婚

富商曾文豪今日同無綫藝員李美慧大婚之喜，下午時份兩人於淺水灣舉行簽字儀式及設宴招待親朋好友，場面熱鬧。而曾文豪大女曾昭怡於社交網上載三張同爸爸喺不丹影嘅相，相信係當時曾文豪同李美慧影結婚相嗰陣，順便留影，而其中一張仲見爸爸企正中間，曾昭怡同妹妹曾昭亮挨實爸爸，成個畫面好有愛。

至於曾昭令亦上載同兩位家姐曾昭怡、曾昭亮，以及曾昭怡囡囡嘅相，見佢哋四位都盛裝打扮，坐喺草地上面十分溫馨。