陸詩韻主動獻吻！吳業坤怕醜到唔敢開眼
20180603
東網電視
更多新聞短片
靚女Sharon主動咀嘴，坤坤居然怕醜到合埋眼！
藝人陸詩韻（Sharon）與吳業坤（坤坤）到銅鑼灣為眼鏡店擔任嘉賓，Sharon戴上「黑超」chok爆亮相，更作狀咀嘴坤坤。
遇見前男友
問Sharon是否要「帶眼識人」？她笑道：「不嬲都要，成日都有新朋友，我朋友都好多。」Sharon有份為好友李美慧擔任姊妹團，問有否從兄弟團中認識新朋友？她笑言：「全部都識㗎。（見到前男友曾文能？）見到，佢都有份做兄弟。」Sharon表示被婚禮感動、亦大讚新郎曾文豪很風趣。問到如何整蠱新郎？她透露：「都係尿片搽花生醬，佢自動波全部接受。（收2億開門利是？）唔知呢，仲未數，可能係印尼盾呢？我趕住做嘢早走咗，花球都未擲。」
靚女獻吻會怕醜
而同場的坤坤戴上無鏡片眼鏡，問是否避免眼鏡起霧？他笑言：「我依家冷靜好多，依家拍劇都換咗眼鏡。（睇到嘢？）我都600度近視、500度散光，最近都慣咗戴冇鏡片嘅練習吓眼神。」坤坤笑指其眼鏡雖然成為話題，但是首次出席眼鏡活動，開心得到認同，問會否搞眼鏡品牌？他笑說：「搞唔掂呀！」提到同場的Sharon獻吻，坤坤說：「我合埋眼面容扭曲，因為我怕醜！（見到陳慧琳會嚇親？）上次喺電台巧遇，估唔到佢主動打招呼，真係要多謝前輩咁包容，下次見到啲前輩唔理乜都打咗先！」
----------------------------
東網巨星開咗ig喇，大家快啲follow啦！